Шайх Фаридуддин Аттор, Илоҳийнома

«Илоҳийнома» – Шайх Фаридуддин Атторнинг шоҳ асари. Уни «Ирфоний адабиётнинг дурдонаси» деб аташади. Китобда Оллоҳ ва банда ўртасидаги муносабатлар, инсоннинг илоҳий бурчи ва масъулияти, комиллик шарафи ва машаққати каби масалалар ғоят баланд пардаларда талқин ва тараннум этилади. Асардан жой олган «Покиза аёл садоқати», «Робиа ва Бектош муҳаббати» достонлари севги, садоқатнинг гўзал тимсоли, мардлик, матонатнинг абадий қўшиғи бўлиб жаранглайди.